ԵՐԵՎԱՆ, 19 սեպտեմբերի — Sputnik. Դպրոցական ինժեներային խմբակները Հայաստանի հիանալի փորձն է, որը կարելի է փոխառել։
Այս մասին Sputnik Արմենիայի թղթակցի հետ զրույցում ասաց Dip Foundation կազմակերպության նախագահ Նասրին Գյուլ Ֆերսուդը։
Այդ հասարակական կազմակերպությունը Բանգլադեշում է գործում։ Նպատակը ժամանակակից գիտելիքներն ու տեխնոլոգիաները կրթական գործընթացների մեջ ներդնելն է։
Հյուրերը մի քանի օր առաջ են Հայաստան եկել ու շրջանակային համաձայնագիր են կնքել Հայաստանի բարձրագույն տեխնոլոգիաների միության հետ (UATE)։ Սակայն մի բան է պայմանագիրը, լրիվ ուրիշ են` երեխաները։ Այդ պատճառով նրանք այց են կատարել ArmRobotics ռոբոտատեխնիկայի մրցույթին, որն ամեն տարի հավաքում է ամբողջ Հայաստանից ArMath դպրոցական խմբակների երեխաներին։
Երևանում ջերմ եմ ընդունել. նրանք իրենց զգացին ինչպես տանը։ Ի դեպ` դպրոցը, որտեղ տեղի էր ունենում մրցույթը, Հարավ–Արևմտյան թաղամասում էր, որը երևանցիները «Բանգլադեշ» են անվանում։
«Մենք շատ հավանեցինք այստեղ։ Պարզվում է` արդեն միջին դասարաններում երեխաներին կարելի է ռոբոտատեխնիկայով «վարակել»։ Մեզ մոտ Բանգլադեշում շատ լավ ինժեներական դասընթացներ կան, բայց համալսարանական մակարդակով։ Պետական դպրոցներում այդպիսի առարկաներ, ցավոք, գրեթե չկան։ Այդ պատճառով ուզում ենք բանգլադեշում ձեր երկրի փորձը կիրառել», – ասում է Նասրին Գյուլ Ֆերդուսը։
Այդ ուսուցումը պետք է անվճար լինի, որ երեխաներից ոչ ոք դուրս չմնա։ Նա ընդգծեց, որ մնում է միայն հովանավոր գտնել։
«Հնարավոր է` պետությունն աջակցի մեզ Digital Bangladesh ծրագրի շրջանակում, կամ մասնավոր հիմնադրամներն օգնեն։ Մենք դիտարկում ենք հնարավոր բոլոր տարբերակները», – ասում է նա։
Բանգլադեշ վերադառնալիս հյուրերը ոչ միայն իրենք կպատմել իրենց տեսածի մասին։ UATE ներկայացուցիչներին կհրավիրեն Բանգլադեշի մայրաքաղաք Դաքքայում IT ամենամյա ցուցահանդեսին։
