ԵՐԵՎԱՆ, 18 սեպտեմբերի — Sputnik. Իսպանիայի ոստիկանությունը ավելի քան 15 կովկասցի է ձերբակալել` բնակարաններ կողոպտելու կասկածանքով։
Այս մասին հայտնում է ՌԻԱ Նովոստին` հղում անելով Mossos d'Esquadra կատալոնյան ոստիկանական ուժեի վրա։
Ոստիկանությունը Twitter–ում գործողության անցկացման տեսանյութ է հրապարկել։
Desarticulades dues importants organitzacions criminals especialitzades en robatoris en domicilis. Triaven domicilis que disposaven de caixes fortes. Podreu seguir la roda de premsa al nostre compte de Facebook https://t.co/vHDnjKAkC2 pic.twitter.com/PnOClyXVCj
— Mossos (@mossos) September 18, 2018
Նշվում է, որ ոստիկանության գործողությունների ընթացքում բռնել են «մաֆիայի» առաջնորդին ու անդամներին։ Նրանց մեծ մասը վրացի են։
Նշվում է նաև, որ երկուսին ցուցմունք տալուց հետո ազատ են արձակել, իսկ մնացածին կալանավորել են։
Նրանց մեղադրում են Բարսելոնայում ու քաղաքի մոտակայքում 22 կողոպուտ անելու մեջ, սակայն հնարավոր է` քննության ընթացքում պարզվի, որ նրանք կապ ունեն նաև այլ հանցագործությունների հետ։
Խուզարկության ընթացքում ոստիկանները գտել են 13 հազար եվրո, երկու կիլոգրամ զարդեր, էլեկտրոնային սարքավորումներ, ժամացույցներ, նաև դռներ ու սեյֆեր բացելու համար գործիքներ։ Ոստիկանությունը չի բացառում, որ նոր կալանավորումներ լինեն։
Հիշեցնենք` իսպանական ոստիկանության պատմության մեջ ամենամեծ գործողության արդյունքում Իսպանիայում ու հարևան Ֆրանսիայում 129 մարդ է ձերբակալվել։ Նրանց մեծ մասը հայեր էին։
«Կուս» անվանումը ստացած գործողության նպատակն է եղել բացահայտել կազմակերպված հանցագործության եվրասիական ցանցի ու բարձրագույն քրեական «պաշտոնյաների»` «օրենքով գողերի» գործունեությունը։ Գործողությունն իրականացրել է Իսպանիայի ոստիկանությանը` Ինտերպոլի, Եվրոպոլի, նաև` Վրաստանի ու Ֆրանսիայի իրավապահ կառույցների օգնությամբ։
