ԵՐԵՎԱՆ, 16 սեպտեմբերի — Sputnik. Ֆրանսիայի Լիոն քաղաքի արվեստի դպրոցի ղեկավարությունն իր պաշտոնական կայքում հրապարակել է կեղծ աշակերտներով լուսանկար: Այդ մասին գրում է Հինգերորդ ալիքը՝ հղում անելով Rue89Lyon-ին:
Դպրոցը գրաֆիկական խմբագրի օգնությամբ ընդհանուր լուսանկարում ավելացրել է սևամորթ ուսանողների և այդ լուսանկարը հրապարակել հաստատության պաշտոնական կայքում: Բացի այդ, փոխվել է մի քանի իրական սովորողների մաշկի գույնը:
![Французская школа «прифотошопила» на снимок несуществующих темнокожих студентов Французская школа «прифотошопила» на снимок несуществующих темнокожих студентов - Sputnik Արմենիա](https://cdn.am.sputniknews.ru/img/1449/41/14494107_0:0:1083:1080_600x0_80_0_0_aa7fbe8ce752684f57e53c1efb3af6dd.jpg)
Ինչպես նշում է պարբերականը, նման տարօրինակ լուսանկարը կարող է կապված լինել ԱՄՆ-ում ֆինանսավորում փնտրելու համար մեկնարկած քարոզարշավի հետ (այս դպրոցը նախատեսում է առաջիկա տարիներին աշխատել ԱՄՆ-ում): Սակայն աշակերտների բողոքից հետո դպրոցի ղեկավարությունը ստիպված է եղել հեռացնել լուսանկարը և փակել կայքը՝ տեխնիկական աշխատանքներ կատարելու համար:
«Դա ամերիկացի կապալառուների նախաձեռնությունն է, որը մեր կողքով է անցել», — այդպես է արդարացել հաստատության տնօրենը:
Գործակալության ներկայացուցիչները պաշտոնական մեկնաբանություններ չեն տվել: