ՀՀ նախագահ Արմեն Սարգսյանը լարվածություն չի տեսնում Հայաստանի և Ռուսաստանի հարաբերություններում։ Այսօր այս մասին նա ասաց լրագրողներին՝ մեկնաբանելով հայ-ռուսական հարաբերություններում առկա լարվածության մասին լուրերը։
Ինչ վերաբերում է Փաշինյան-Պուտին հանդիպմանը, նախագահը վստահություն հայտնեց, որ այն անցնելու է շատ բարեկամական մթնոլորտում ու բարձր մակարդակով։
«Ցանկացած հանդիպում մեծ երկրի ղեկավարի հետ շատ կարևոր է Հայաստանի համար, մասնավորապես՝ ՌԴ նախագահի հետ»,- ասաց Արմեն Սարգսյանը` միաժամանակ հավելելով, որ մեկ-երկու հանդիպումներից մեծ ակնկալիքներ ունենալ պետք չէ։
«Վստահ եմ, որ դրանք շարունակվելու են, որովհետև հայ-ռուսական հարաբերությունները դարերի պատմություն ունեն։
Հիշեցնենք, որ սեպտեմբերի 8-ին Մոսկվայում նախատեսված է Նիկոլ Փաշինյանի և ՌԴ նախագահ Վլադիմիր Պուտինի հանդիպումը։
