ԵՐԵՎԱՆ, 6 սեպտեմբերի — Sputnik. Առաջին անգամ Հայաստանում կանցկացվի «Աղթամար» սառցե շոուի հագուստների հավաքածուի ցուցադրությունը։
Այս մասին հայտնել է ֆեշտ–շրջագայության կազմակերպիչ ու «Կոլիբրի Ինտերտեյմենթ» հատուկ նախագծի տնօրեն Ալեքսանդր Տոլստելևը։
«Ներկայացման ստեղծագործական ու տեխնիկական խմբում ավելի քան 200 մարդ կա։ Նկարիչ–մոդելավորողներն աշխատում են ցուցադրության համար հավաքածուի վրա յուրաքանչյուր քաղաքում, որտեղ ֆեշն–շրջագայություն է անցկացվելու»,–նշեց նա։
Հերոսներին տալու են հատուկ կոշիկներ, որոնց համար նախատիպ է ծառայում Հայաստանի տարածքում հայտնաբերված կոշիկը, որը գիտնականների գնահատմամբ 6 հազար տարվա պատմություն ունի։
Երաժշտությունը, հագուստն ու հատուկ էֆեկտները`ստեղծարար խումբը մանրակրկիտ մտածել է մյուզիքլի նրբությունները։ Շուտով մյուզիքլը ներկայացվելու է երևանյան հանդիսատեսի դատին։
Սառցե շոուի կոմպոզիտորը դարձել է Ալեքսեյ Գալինսկին` սառույցի վրա հինգ հաջողված մյուզիքլների երաժշտության հեղինակը։ Սաունդտրեկի ստեղծման վրա նրա հետ աշխատել է հայտնի ջութակահար ու սաունդ–պրոդյուսեր Էդգար Հակոբյանը, նաև Հայաստանի լավագույն երաժիշտներն ու երգիչները։ Հետաքրքրությունը պահպանելու համար նրանց անունները դեռ չեն հայտնում։
Արդեն հայտնի է, որ հերոսները Կարինե Դնոյանի հեղինակած զարմանալի զգեստերն են կրելու։ Ընդհանուր առմամբ ավելի քան 120 զգեստ։
Նշենք` Օլիմպիական խաղերի մրցանակակիր, աշխարհի կրկնակի չեմպիոն, Եվրոպայի յոթակի չեմպիոն, գեղասահորդուհի Իրինա Սլուցկայան «Աղթամար» սառցե մյուզիքլում ելույթ կունենա հայ աստվածուհի Անահիտի կերպարում։
Երևանում կայացած մամուլի ասուլիսի ժամանակ նա նշել էր, որ ինքն այդ ներկայացման մեջ բարդ դեր է կատարում, սակայն Անահիտի կերպարը հոգեհարազատ է իրեն։
«Աղթամար» սառցե մյուզիքլի պրեմիերան կկայանա Երևանում այս տարվա նոյեմբերին։
