Աշոտ Հարությունյան
Ցորենի բեռնափոխադրումների հետ կապված խնդիրները Հայաստանի համար նորություն չեն։ Այս մասին Sputnik Արմենիա ռադիոկայանի եթերում ասաց ՀՀ գյուղատնտեսության նախկին փոխնախարար Աշոտ Հարությունյանը։
Նրա խոսքով` նման խնդիրներից խուսափելու լավագույն տարբերակը ներկրումը տեղական արտադրությամբ փոխարինելն է։
«Բայց դա պետք է լինի շատ ճիշտ հաշվարկված, արդյունավետության, խելամտության հաշվին, որովհետև չի կարելի մշակել մի մշակաբույս, որը տնտեսվարողին չի բերի բավականաչափ եկամուտ, այլ հակառակը»,- ասաց Հարությունյանը։
Նախորդ կառավարությունը, նրա խոսքով, շեշտը դրել էր աշնանացան ցորենի ծրագրերի վրա։
