ԵՐԵՎԱՆ, 2 Սեպտեմբեր — Sputnik. Անհրաժեշտ է վերջ տալ միջազգային առևտրում ամերիկյան դոլարի գերակայությանը:
Նման հայտարարությամբ Թուրքայի նախագահ Ռեփեջ Թայիփ Էրդողանը հանդես է եկել Թուրքիա-Ղրղզստան բիզնես ֆորումում ունեցած ելույթի ընթացքում:
«Անհրաժեշտ է վերջ տալ միջազգային առևտրում դոլարի գերակայությանը՝ օգտագործելով հաշվարկներն ազգային արժույթներում»,- «ՌԻԱ Նովոստի»-ի փոխանցմամբ ասել է Էրդողանը:
Ըստ Թուրքիայի նախագահի՝ դոլարային համակարգը, որն իբրև ստեղծվել է առևտուրը հեշտացնելու համար, մեծ խնդրի է վերածվել:
«Առևտրային պատերազմները ստիպում են շատ ոլորտներում նոր ռազմավարություն օգտագործել: Արժույթների փոխարժեքի մանիպուլյացիաների նպատակն է ստիպել կասկածել, որ Թուրքիան ուժեղ և առողջ տնտեսություն ունի: Նպատակը Թուրքիայի տնտեսությանը հարված հասցնելն է»,-հայտարարել է Էրդողանը:
Սակայն, ըստ նրա, իր կառավարության իրականացրած միջոցառումների և Թուրքիայի բնակչության որոշիչ դիրքորոշման շնորհիվ այդ փորձն անհաջողության է մատնվել:
