ԵՐԵՎԱՆ, 2 սեպտեմբեր — Sputnik. Արցախում բջջային կապի մենաշնորհ կա և գնի իջեցման խնդիր կա։ Այս մասին, այսօր, պատասխանելով ֆեյսբուքի օգտատերերի հարցերին, ասաց վարչապետ Նիկոլ Փաշինյանը։
«Ինձ տեղեկացրել են Կապի, տրանսպորտի և ՏՏ նախարարությունից, որ գները էապես նվազել են: Եղել է 140-170 դրամ, հիմա 38-45 դրամ է»,– ասաց վարչապետը։
Նրա խոսքով՝ նախարարությունից նաև հայտնել են, որ աշխատանքներ են տարվում Արցախում բջջային կապի մենաշնորհը վերացնելու, այնտեղ նոր օպերատոր ներգրավելու ուղղությամբ։
Նշենք, որ ԼՂ–ում բջջային միակ օպերատորը «Ղարաբաղ Տելեկոմն է»։
