ԵՐԵՎԱՆ, 1 սեպտեմբերի — Sputnik. Հայաստանի Հանրապետության նախագահ Արմեն Սարգսյանն այսօր` սեպտեմբերի 1-ին, մեկնել է Արցախի Հանրապետություն։ Այս մասին հայտնում է նախագահի մամուլի ծառայությունը։
Հաղորդագրության մեջ նշվում է, որ սա աշխատանքային այց է։
Սարգսյանը մասնակցելու է Արցախի Հանրապետության օրվան և անկախության հռչակման 27-րդ տարեդարձին նվիրված տոնական միջոցառումներին:
Արցախի անկախության օրը նշվում է սեպտեմբերի 2-ին։
Արմեն Սարգսյանը Արցախում էր եղել նաև հունիսին։
