Հայաստանի երկրորդ նախագահ Ռոբերտ Քոչարյանի պաշտպաններն այսօր բողոք են ներկայացրել Վճռաբեկ դատարան։ Այս մասին Sputnik Արմենիային հատնեց Քոչարյանի փաստաբան Հայկ Ալումյանը։
Նրա խոսքով` Վերաքննիչ դատարանը երկրորդ նախագահին կալանքից ազատելու որոշման հիմքում դրել էր միայն անձեռնմխելիության իրավունքը, մինչդեռ իրենք բողոքարկման ևս երկու հիմք էին ներկայացրել, որոնք դատարանը թողել էր առանց քննության։
«Հիմա մենք դիմել են Վճռաբեկ դատարան, որ մեր մնացած փաստարկներն էլ քննարկվեն ու գնահատական տրվի։ Այնտեղ կան շատ լուրջ հիմնավորումներ։ Դրանցից մեկը, որ կարող եմ ասել առանց նախաքննական գաղտնիք հրապարակելու, այն է, որ մեղադրանքի սյուներից մեկը արտակարգ դրություն մտցնելու մասին Ռոբերտ Քոչարյանի հրամանագիրը նախաքննական մարմինը մեղադրանքի մեջ անվանում է ապօրինի ու սահմանադրությանը հակասող»,- ասաց Ալումյանը։
Նա ավելացրեց, որ նախագահի հրամանագրերն ապօրինի կարող են ճանաչվել միայն ՍԴ որոշմամբ։
