ԵՐԵՎԱՆ, 30 օգոստոսի — Sputnik. Շենգավիթի եռահարկ տներից մեկում 28–ամյա կնոջ դի է հայտնաբերվել։
Ինչպես տեղեկացնում է Shamshyan.com–ը, այսօր՝ օգոստոսի 30-ին, ժամը 18։10-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Շենգավիթ վարչական շրջանի Արարատյան 77 տանը կնոջ դի կա։
Ոստիկաններն ու քննիչները 3 հարկանի տան առաջին հարկում հայտնաբերել են սուր կտրող-ծակող առարկայից ստացած հարվածների հետքերով կնոջ դի։ Հանցագործությունը բացահայտելու համար ստեղծվել է քննչական խումբ։ Կատարվել է դեպքի վայրի զննություն։ Ոստիկաններն ու քննիչները պարզել են, որ սպանվածը 28-ամյա Մարինե Դանիելյանն է։ Ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողին հայտնաբերելու ուղղությամբ։
