ԵՐԵՎԱՆ, օգոստոսի — Sputnik. Սիրիայում հակամարտող կողմերի հաշտեցման ռուսական կենտրոնի ղեկավար Ալեքսեյ Ցիգանկովը զեկուցել է, որ «Սպիտակ սաղավարտների» ներկայացուցիչները թունավոր նյութերի մեծ բեռ են հասցրել սիրիական Սակարիբ քաղաք` «Արխար աշ Շամի» օգտագործվող պահեստ։ Այս մասին հայտնում է ՌԻԱ Նովոստին։
Նրա խոսքով` քիմիական զենքը բերել են խոշոր բեռնատարերով։ Մեքենաներին ուղեկցում էին «Սպիտակ սաղավարտների» ութ ներկայացուցիչ։ Պահեստի մոտ նրանց դրմավորում էին ապօրինի զինված կազմավորման երկու բարձրաստիճան հրամանատար։
Ռուսական ԱԳՆ–ն «Սպիտակ սաղավարտների» գործունեություն անվանել է Սիրիայի իշխանությունների սևացման տեղեկատվական քարոզարշավ։ Սիրիայի նախագահ Բաշար ալ-Ասադը հայտնել է, որ «Սպիտակ սաղավարտներ» կազմակերպության անդամները «Ալ-Կաիդայի» (արգելված է մի շարք երկրներում) կողմնակիցներ են։
ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան հայտարարել է, որ սիրիական բանակը քիմիական զենք չունի։ Ռուսաստանի պաշտպանության նախարարության խոսնակ գեներալ-մայոր Իգոր Կոնոշենկովը նշել է, որ անկախ աղբյուրների տվյալներով` «Հայատ Տախրիր Աշ–Շամ» (արգելված է մի շարք երկրներում) ահաբեկչական խմբավորման անդամները սադրանք են պատրաստում, որ մեղադրեն Դամասկոսին սիրիական Իդլիբում խաղաղ բնակչության դեմ քիմիական զենք կիրառելու մեջ։
Նեբեզնյան միաժամանակ նշել է, որ ՄԱԿ–ը Սիրիայի վերականգման հարցում պասիվ դիրքորոշում է ընդունել։
«ՄԱԿ–ը պետք է մեծ դերակատարություն ունենա սիրիացիների` հարազատ օջախներին վերադառնալու գործում, առաջին հերթին` Փախստականների հարցերով գերագույն հանձնակատարը», – նշեց Նեբենզյան։
Նեբենզյանի խոսքով` այդ հարցում դերակատարություն ունի նաև ՄԱԿ–ի քարտուղարության ներքն հրահանգը, որը նախորդ տարվա վերջին մշակել է քաղաքական հարցերի դեպարտամենտը` առանց անդամ երկրների հետ խորհրդատվության։
