ԵՐԵՎԱՆ, 28 Օգոստոս — Sputnik. Այսօր՝ ժամը 19։30-ի սահմաններում, կյանքից հեռացել է ՀՀ մշակույթի նախկին նախարար, Երևանի ավագանու նախկին անդամ Թամարա Պողոսյանը։ Լուրը Tert.am-ին հաստատել է նրա քույրը՝ Քնար Պողոսյանը։
«Թամարա Պողոսյանը մահացել է տևական ծանր հիվանդությունից հետո այսօր՝ 19։30-ի սահմաններում։ Հոգեհանգստի և հուղարկավորության արարողությունների մասին մանրամասներ հայտնի կլինեն վաղը»,– հայտնել է հանգուցյալի քույրը։
Թամարա Պողոսյանը ծնվել է 1949թ. հուլիսի 17-ին Տավուշ գյուղում: 1967-1973թթ. սովորել է Երևանի պետական համալսարանի կիրառական մաթեմատիկայի ֆակուլտետում՝ «Կիրառական մաթեմատիկա» մասնագիտությամբ:
Երկար տարիներ վարել է ակտիվ գիտական և քաղաքական գործունեություն։ 2003-04 թվականներին զբաղեցրել է ՀՀ մշակույթի և երիտասարդության նախարարի պաշտոնը։
![Тамар Погосян на заседании Совета старейшин (31 октября 2013). Ереван Тамар Погосян на заседании Совета старейшин (31 октября 2013). Ереван - Sputnik Արմենիա](https://cdn.am.sputniknews.ru/img/1412/98/14129802_0:0:660:440_600x0_80_0_0_5cca36045687012c5f0fdd7c51b991b8.jpg)
2013 թվականի մայիսի 5-ին «Բարգավաճ Հայաստան» կուսակցության համամասնական ցուցակով ընտրվել է Երևանի ավագանու անդամ: