Սաթենիկ Բադեյան
Սևանից հավելյալ ջրառը շատ վատ կանդրադառնա լճի վրա։ Մեկնաբանելով կառավարության առաջարկած օրենսդրական նախաձեռնությունը` Sputnik Արմենիա ռադիոկայանի եթերում ասել է «Տարածքային զարգացման և հետազոտությունների կենտրոն» ՀԿ-ի ներկայացուցիչ Սաթենիկ Բադեյանը։
«Այդ որոշումը հակաօրինական է։ Կառավարության նիստի ժամանակ բնապահպանության նախարարն ասաց, որ օրենքն արգելում է բացասական հաշվեկշիռը, բայց չներկայացրեց ու չխոսեց այն մասին, որ հաշվեկշիռն արդեն իսկ բացասական է»,– ասել է Բադեյանը։
Նա նաև նշել է, որ Սևանի ներկա վիճակն արդեն իսկ օրհասական է, և դրա մասին է վկայում նաև այս տարվա աննախադեպ ծաղկումը։
