ԵՐԵՎԱՆ, 28 օգոստոսի — Sputnik. Հայաստանում խմելու ջրի սակագինը ոչ մի դեպքում չի կարելի բարձրացնել։ Այս մասին Sputnik Արմենիային ասաց Էներգետիկայի նախարարության ջրային կոմիտեի նախագահ Ինեսսա Գաբայանը։
Սակագները պետք է բարձրանան ըստ 2016 թվականին կազմված ու 2017 թվականին ուժի մեջ մտած ժամանակացույցի։ Սակայն Գաբայանի կարծիքով պետք է վերանայել «Վեոլիա» ֆրանսիական ընկերության հետ կոնցեսիոն պայմանագիրը։
Ճիշտ է` ֆրանսիացիները մրցույթով են ստացել կոնցեսիան ու բոլոր մրցակիցներից ամենացածր սակագին են առաջարկել։ Սակայն Ջրային տնտեսության կոմիտեում կարծում են, որ հնարավոր է դա բավարար չէ։
«Կոնցեսիոն պայմանագրի մի քանի կետերը պետք է կրկին քննարկել։ Կարծում եմ` դրա արդյունքում մենք էլ, օպերատորն էլ կարող ենք վերագնահատել ջրամատակարարման ծառայությունները», – հայտնել է նա։
Հիշեցնենք` օգոստոսի սկզբին «Վեոլիա ջուրը» դիմում է ներկայացրել ՀԾԿՀ ջրի սակագինը 14 դրամով բարձրացնելու համար։ Հիմա սակագինը կազմում է 191,4 դրամ։ Մենք 180 դրամ ենք վճարում, մնացածը պետությունն է սուբսիդավորում։ «Վեոլինա» առաջարկում է սակագինը 14 դրամով ավելացնել (205 դրամ)։
