ԵՐԵՎԱՆ, 24 օգոստոսի-Sputnik. Բովանդակալից քննարկումներ ունեցանք, որոնք վերաբերվում են Հայաստան-Գերմանիա, Հայաստան-Եմ խնդիրներին։ Այն մասին հայտարարեց ՀՀ վարչապետը՝ Անգելա Մերկելի հետ կայացած բանակցությունների արդյունքում մամուլի ներկայացուցիչների համար արված հայտարարությունների ընթացքում:
«Ուրախ եմ, որ բազմաթիվ հարցերի նկատմամբ մեր տեսակետները համընկնում է, ինչը ցույց է տալիս, որ մեր երկրները համագործակցության մեծ պոտենցիալ ունեն։
Մենք հույս ունենք, որ մեր համագործակցությունը ոչ միայն ծավալային, այլ որակական փոփոխություններ կկրեն։ Մենք կոնկրետ օրակարգ կունենանք և աշխատանք կանցկացնենք, օրակարգի հարցերը լուծելու համար։
Ուրախ եմ, որ տիկին կանցլերն արդեն զգացել է այն դրական մթնոլորտը, որ կա Հայաստանում Գերմանիայի և Անգելա Մերկելի նկատմամբ»,-ասաց Նիկոլ Փաշինյանն իր ելույթում։
Իր հերթին Գերմանիայի Դաշնայի Հանրապետության կանցլեր Անգելա Մերկելը իր ուրախությունն արտահայտեց Հայաստան կատարած առաջին այցի առիթով։
«Թե ինչ է իրականացվել հայերի նկատմամբ 1915 թ.–ին չպետք է չմոռացվի։ Ուրախ ենք, որ Երևանում հյուրընկալվել ենք քաղաքի 2800 ամյակի տարում։ Հայաստանը հին մշակույթ ունեցող երկիր է, բայց բաց է նոր շփումների համար»,-ասաց Անգելա Մերկելը։
Նա հավելեց, որ Գերմանիայում հետևել են «թավշյա հեղափոխությանը».
«Մեր հարաբերությունները լավն էն, բայց կարող են ավելի ընդլայնվել։ Ինձ ուղեկցում է տնտեսական պատվիրակություն, որը կշփվի հայ կոլեգաների հետ։ Մենք կցանկանանք համագործակցել ՏՏ, ռեսուրսների ոլորտում, կարելի է խորացնել նաև համագործակցությունը կրթական և գիտական ոլորտներում»,-ասաց ԳԴՀ կանցլերը:
Նա նշեց, որ Փաշինյանի հետ քննարկել են նաև Գերմանիայում ապաստան խնդրողների հարցը. «Կարելի է ավելին անել, որ ՀՀ քաղաքացիները պատշաճ օգնություն ստանան Գերմանիայում։ Ուրախ ենք, որ Հայաստանը համաձայնագիր է կնքել ԵՄ–ի հետ։ Գերմանիան իր ներդրումը կունենա այդ համագործակցության խորացման հարցում»,-շեշտեց Մերկելը։
ԳԴՀ կանցլերը անդրադարձավ նաև Արցախյան հիմնախնդրին՝ հայտնելով գերմանական կողմի պատրաստակամությունը ներդրում ունենալ հակամարտության խաղաղ կարգավորման գործին:
Հիշեցնենք, որ Վրաստան, Հայաստան և Ադրբեջան Անգելա Մերկելի տարածաշրջանային այցը մեկնարկել է օգոստոսի 23-ին Թբիլիսիից։ Այսօր նա Երևան է ժամանել։
Պաշտոնական դիմավորումից հետո Գերմանիայի կանցլերն այցելել է Ծիծեռնակաբերդ, ապա Թումո կենտրոն։
Մերկելի պատվիրակության կազմում ընդգրկվել են կանցլերի` արտաքին քաղաքականության և անվտանգության հարցերի խորհրդական Յան Հեքերը, Ֆինանսական և տնտեսական քաղաքականության գծով խորհրդական Լարս-Հենդրիկ Ռյոլլերը, եվրոպական քաղաքականության գծով խորհրդական Ուվե Կորզեպիուսը, կանցլերի աշխատակազմում Հարավային Կովկասի բաժնի ղեկավար Մաթիաս Լյութենբերգը։
