Գայանե Սահակյան
Կապույտ հազին յուրահատուկ 3-4 տարին մեկ աշխուժանալու հանգամանքը կապված է չպատվաստված կամ թերի պատվաստված անձանց կուտակման փաստով: Այս մասին Sputnik Արմենիայի եթերում հայտարարեց Առողջապահության նախարարության իմունականխարգելման ազգային ծրագրի պատասխանատու Գայանե Սահակյանը:
«Եթե տվյալ տարի պատվաստման ենթակա երեխաների 5-6%-ը իրենց պատվաստումները չեն ստանում, տարիների ընթացքում այդ 5-6%-ը անընդհատ կուտակվելով ձևավորում են մի ստվար զանգված, որն ընկալունակ է դառնում կապույտ հազի հարուցիչի շրջանառության համար»,-պարզաբանեց Սահակյանը:
Նա առանձնահատուկ շեշտեց, որ սա բռնկում չէ, ուղղակի հիվանդության աշխուժացում է և հիվանդանում են հիմնականում չպատվաստված անձինք:
