«Մեզ մոտեցավ մի անձնավորություն, ասաց, որ ինքը լրագրող է` Արևհատ Ամիրյան և խնդրեց ասել, թե ինչ ենք անում։ Շատ հանգիստ ներկայացրեցի և այն պահին, երբ ասացի` սա հնագիտական դամբարան է, հուշարձան ենք պեղում, մարդիկ, որոնք նախապատրաստված եկել էին, հարձակվեցին իմ ու արշավախմբի անդամների վրա և սկսեցին ասել, որ դուք այստեղ փողեր եք լվանում, ծախված մարդիկ ենք, սուտ բաներ եք ասում։ Նրանք անընդհատ փորձում էին հրմշտոց, ծեծկռտուք հրավիրել։ Բարեբախտաբար, տղաներն ավելի լուրջ էին և բանը դրան չհասավ։ Փորձեցինք պարզաբանել, բայց անիմաստ էր, որովհետև եկել էր մի գինեկոլոգ, որը սկսեց խոսել աստղադիտարանի մասին, հասկացա, որ մարդ է, որ թողել է իր գործն ու եկել է զբաղվում է ուրիշի գործով»,–ասաց Փիլիպոսյանը։
Նրա խոսքով` դրանից հետո ասել էին, որ դիմելու են դատախազություն, որ սա իրենց հայրենիքն է։ «Ի՞նչ է նշանակում` իրենց հայրենիք, հայրենիքը բոլորինս է, Սիսիանն առանձին պետություն չէ։ Ինչքան Սիսիանի հուշարձանն է ինձ համար հարազատ, այնքան էլ Արարատյան դաշտավայրի ու մնացած տեղերի»,–նշում է Փիլիպոսյանը։
Փիլիպոսյանն ընդգծում է, որ պատմության հուշարձանների ուսումնասիրությունն իր մասնագիտությունն է, և ինքն այդ աշխատանքը շարունակելու է, որովհետև կա հրաշալի նյութ, որը ցույց է տալիս, թե ինչքան կարևոր են Զորաց քարերը Մերձավոր Արևելքի վաղ մշակույթի ուսումնասիրության գործում։
