ԵՐԵՎԱՆ, 23 օգոստոսի — Sputnik. Այս տարվա սեպտեմբերի 1-ից արտասահմանյան արտադրության նոր մեքենաների` Մաքսային միության տարածք ներկրման մաքսատուրքերի դրույքաչափը կնվազի 3%-ով։ Ներկայիս 20%-ի փոխարեն այն կլինի 17%-ը: Հին մեքենաների`5-7 տարեկան, ներկրման մաքսատուրքը կլինի 22%:
Ինչպես գրում է Կոմերսանտը, Եվրասիական տնտեսական հանձնաժողովի խորհուրդն արդեն հրապարակել է համապատասխան որոշումը:
Մաքսատուրքերի նվազումը բացատրվում է Առևտրի համաշխարհային կազմակերպության առաջ Ռուսաստանի Դաշնության ունեցած պարտավորություններով: Այն կգործի Ռուսաստանի, Բելառուսի, Ղազախստանի, Հայաստանի և Ղրղըզստանի տարածքում:
Նշվում է, որ 2017թ. նոր մեքենաների ներկրման մաքսատուրքերը նվազեցվել էին 3%-ով՝ 23%-ից դառնալով 20%: Նվազման միտումը շարունակվելու է նաև ապագայում: 2019թ. այդ ցուցանիշը 17%-ից կդառնա 15%:
