մերիկյան դպրոցի վարչակազմը չի գնահատել ուսուցչուհու հիանալի էրոտիկ рole dance–ը. Քենդիս Մեյսոնն ազատվել էր աշխատանքից Facebook սոցցանցում` իր կարգավիճակի համար «անվայել» տեսահոլովակ տեղադրելու համար։ Միջադեպին անդրադարձել է The Daily Mail պարբերականը։
Հիշեցնենք, որ рole dance –ը պարի տեսակ է, որի կատարման ժամանակ պարողն օգտագործում է մեկ կամ երկու ձող` պարարվեստի, մարմնամարզության և ակրոբատիկայի տարրեր համադրելով։ Այդ պարը հաճախ հեստապարի հետ են շփոթում։
Մեյսոնի խոսքով` նա այրի է և երկու դուստրերի մայր, իսկ ձողի վրա պարում է իր տանը, որպեսզի պահպանի բարեկազմ արտաքինն ու հանի սթրեսը։ Ավելին, նա նաև այդ պարի հրահանգիչ է աշխատում, ընտանիքի ապրուստը հոգալու և հիփոթեքը մարելու համար։
Հատկանշական է, որ ուսուցչուհին տեսահոլովակը տեղադրել էր իր կեղծ էջում` չնշելով դպրոցի անունը։ Կարծում են, որ տեսահոլովակը հայտնաբերել են կամ նրա գործընկերները, կամ աշակերտներից մեկը։
Դպրոցի ղեկավարությունը զայրացած էր ոչ միայն պարի, այլև «գռեհիկ, անպարկեշտ երգի» համար։
Այնուամենայնիվ, ուսուցչուհին ասել է, որ մտադիր չէ թողնել հրահանգչի աշխատանքը, պայքարելու է, որպեսզի նույն դպրոցում շարունակի իր մանկավարժական գործունեությունը։
