Այս մասին Sputnik Արմենիայի հետ զրույցում ասաց Երևանի քաղաքապետի թեկնածու Անահիտ Թարխանյանը։
«Երևանի կառավարմանը պետք է մասնակցի ինքը` համայնքը։ Եվ ավագանու ընտրությունները հենց համայնքի ինքնակառավարման մեթոդ է, որի միջոցով այն կարգավորում է իր բոլոր գործառույթները։
«Երևանի հանրությունը» նախաձեռնությունը ձևավորված է տարբեր հասարակական կազմակերպություններից, և մենք բոլորս ուզում ենք մեր նպաստը բերել մեր սիրելի քաղաքին։ Այստեղ հավաքված են բոլոր ոլորտների լավ մասնագետները, որոնք ունեն կամք` ինչպես փոխել Երևան քաղաքը»,–ասում է Թարխանյանը։
Պատասխանելով այն հարցին, թե ինչ քայլեր կանի առաջինը, եթե դառնա Երևանի քաղաքապետ, Անահիտ Թարխանյանն ասաց, որ առաջին հերթին կսահմանի արգելանք Երևանի փոքր կենտրոնում որևէ կառուցապատում իրականացնելու համար և 2-րդը կվերանայի ու կվերապլանավորի ամբողջ բյուջեն։
