ԵՐԵՎԱՆ, 20 Օգոստոս — Sputnik. Ոստիկանությունում այսօր տեղի է ունեցել խորհրդակցություն: Այն վարել է ոստիկանության պետ Վալերիյ Օսիպյանը:
18 օգոստոսի 2018, 15:08
Ոստիկանության հասարակայնության հետ կապերի և լրատվության վարչությունից տեղեկացնում են, որ օրակարգային հարցրերի քննարկումից հետո Վալերիյ Օսիպյանը ներկայացրել է իր հրամաններով կատարված մի շարք կադրային փոփոխություններ:
Մասնավորապես, երկարամյա ծառայությունից հետո կենսաթոշակի անցած` ոստիկանության քրեական հետախուզության գլխավոր վարչության պետ Սամվել Ասատրյանին ոստիկանության պետի հրամանով փոխարինել է ԿՀԴՊ գլխավոր վարչության պետ Արտակ Կարապետյանը:
ԿՀԴՊ գլխավոր վարչության պետ է նշանակվել Արսեն Այվազյանը, որը մինչ այդ զբաղեցնում էր ոստիկանության Արմավիրի մարզային վարչության պետի պաշտոնը:
