ԵՐԵՎԱՆ, 18 օգոստոսի — Sputnik. Հայաստանի Ֆուտբոլի ֆեդերացիայի նախագահին կընտրեն սեպտեմբերի 22–ին։ Այս որոշումը կայացվել է ՀՖՖ Գործկոմի հերթական նիստի ժամանակ։
«Գործադիր մարմնի անդամները քննարկեցին և հաստատեցին ՀՖՖ վերակազմավորման նպատակով նշանակված արտահերթ ժողովի անցկացման ժամկետները և օրակարգը:
ՀՖՖ արտահերթ ժողովը անցկացվելու է ս.թ. սեպտեմբերի 22-ին, սկիզբը՝ ժամը 12:00-ին: Ժողովի ընթացքում կայանալու են նաև ՀՖՖ նախագահի և Գործադիր կոմիտեի անդամների ընտրությունները»,–ասված է հաղորդագրության մեջ:
Հիշեցնենք, որ 2002թ.–ից ՀՖՖ ղեկավարում է Ռուբեն Հայրապետյանը։ Վերջերս մամուլը գրում է, որ ՀՖՖ նախագահի հավանական թեկնածու է նաև ԱԱԾ պետ Արթուր Վանեցյանը։ Օգոստոսի 16–ին լրագրողների հետ զրույցում Վանեցյանը վերահաստատել էր, որ պատրաստ է գլխավորել Հայաստանի ֆուտբոլի ֆեդերացիան։
