ԵՐԵՎԱՆ, 13 օգոստոսի — Sputnik. ՀՀ նախագահ Արմեն Սարգսյանի հրամանագրով Մհեր Մարգարյանը նշանակվել է Միավորված ազգերի կազմակերպությունում Հայաստանի Հանրապետության մշտական ներկայացուցիչ։ Այս մասին տեղեկացնում է ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունը։
«Մհեր Մարգարյանին նշանակել Միավորված ազգերի կազմակերպությունում Հայաստանի Հանրապետության մշտական ներկայացուցիչ (նստավայրը՝ Նյու Յորք)»,-նշված է նախագահի հրամանագրում։
Մարգարյանը մինչ այս զբաղեցնում էր Մշտական ներկայացուցչի տեղակալի պաշտոնը։
ՄԱԿ-ում Հայաստանի մշտական ներկայացուցիչը 2014-2018 թվականներին եղել է ՀՀ ներկայիս արտգործնախարար Զոհրաբ Մնացականյանը։
