ԵՐԵՎԱՆ, 12 օգոստոսի-Sputnik. Դիլիջանի մոտակայքի Ջուխտակ վանքի տարածքում երեկ կորած 21-ամյա քաղաքացուն այսօր առավոտյան գտել են:
Ինչպես տեղեկացնում է ՀՀ ԱԻՆ մամուլի ծառայությունը, օգոստոսի 11-ին, ժամը 20:32-ին «911» ծառայությանն ահազանգ է ստացվել, որ քաղաքացի է մոլորվել է Տավուշի մարզի Ջուխտակ վանքի տարածքում. անհրաժեշտ է փրկարարների օգնությունը:
Դեպքի վայր էր մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Որոնողափրկարարական աշխատանքներին մասնակցել են 10 փրկարար և ոստիկանության 2 աշխատակից:
Ժամը 01:22-ին եղանակային անբարենպաստ պայմաններից ելնելով՝ որոնողափրկարարական աշխատանքները դադարեցվել են:
Օգոստոսի 12-ին, ժամը 07:05-ին դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից ևս մեկ մարտական հաշվարկ:
Ժամը 07:35-ին փրկարարները «Ջուխտակ վանք»-ի մոտակայքում անվնաս գտել են Ռ. Մ.-ին (1997թ.):
