ԵՐԵՎԱՆ, 8 օգոստոսի — Sputnik. Sputnik Արմենիայի աղբյուրները տեղեկացնում են, որ Պետեկամուտների կոմիտեում առաջիկայում փոփոխություններ կլինեն:
Մաքսային բլոկի ղեկավարների առաջ ազատման դիմում գրելու խնդիր է դրվել: Դավիթ Անանյանի թիրախում է մաքսային բլոկը համակարգող ՊԵԿ նախագահի տեղակալ Արա Գաբրիելյանը:
Շուրջ 10-12 հոգանոց ցուցակում ներառված են նաև տարբեր մաքսատների պետեր, մաքսանենգության դեմ պայքարի տարածքային ստորաբաժանումների ղեկավարներ և այլք:
Ըստ տեղեկության՝ Դավիթ Անանյանը խիստ դժգոհ է կոմիտեի մաքսային թևի բարձր էշելոնների ղեկավարների աշխատանքից:
Հիշեցնենք, որ վերջերս համացանցում և հանրության շրջանում հստակ դժգոհություն է նկատվում այդ ոլորտի աշխատանքի հանդեպ:
Հանրային քննադատության թիրախում է հայտնվել նաև Պետեկամուտների կոմիտեի նախագահի կադրային քաղաքականությունը:
