ԵՐԵՎԱՆ, 7 օգոստոսի — Sputnik. Հայաստանի հանրապետական կուսակցությունն այսօր հայտարարություն է հրապարակել, որում նշում է, որ ՀՀ 2-րդ նախագահի խափանման միջոց կալանքը փոփոխելու միջնորդության համար ներկայացված երաշխավորության տակ ստորագրած պատգամավորների ցուցակը որևէ գաղտնիք չի ներկայացնում։
«Յուրաքանչյուր պատգամավոր ինքն է որոշում, թե երբ և ինչ պայմաններում հրապարակայնացնի իր՝ այս կամ այն հասարակական նշանակություն ունեցող փաստաթղթի տակ ստորագրելու փաստը»,– ասված է ՀՀԿ հայտարարության մեջ։
Եվ, այդուհանդերձ, կուսակցությունը որոշել է հրապարակել երաշխավորագիրը ստորագրած իր 40 անդամների անունները։ Նրանք են.
ԱԺ նախագահ Արա Բաբլոյանը, ՀՀԿ խմբակցության ղեկավար Վահրամ Բաղդասարյանը, ԱԺ փոխնախագահներ Էդուարդ Շարմազանովն ու Արփինե Հովհաննիսյանը, պատգամավորներ Գագիկ Մելիքյանը, Վահան Հարությունյանը, Միհրան Հակոբյանը, Կարինե Աճեմյանը, Ջեմմա Բաղդասարյանը, Կնյազ Հասանովը, Արսեն Միխայլովը, Արմեն Աշոտյանը, Անդրանիկ Հարությունյանը, Արամ Հարությունյանը, Հարություն Կարապողոսյանը, Արկադի Համբարձումյանը, Հակոբ Հակոբյանը, Կարեն Ավագյանը, Արայիկ Հովհաննիսյանը, Ռոբերտ Սարգսյանը, Շուշան Սարդարյանը, Հերմինե Նաղդալյանը, Մարգարիտ Եսայանը, Արտաշես Գեղամյանը, Նաիրի Սահակյանը, Ռուստամ Մախմուդյանը, Արայիկ Գրիգորյանը, Սամվել Նիկոյանը, Շուշան Պետրոսյանը, Հայկ Բաբուխանյանը, Գալուստ Սահակյանը, Սամվել Ֆարմանյանը, Խոսրով Հարությունյանը, Միհրան Պողոսյանը, Ռուզաննա Մուրադյանը, Կարեն Կարապետյանը, Կարեն Բեքարյանը, Տաճատ Վարդապետյանը, Կորյուն Նահապետյանը, Գագիկ Մինասյանը, Ավետ Սարգսյանը, Գևորգ Կոստանյանը, Ռաֆիկ Գրիգորյանը։
Նշենք, որ բացի հրապարակված անուններից երաշխավորագրին միացել են նաև 5 այլ պատգամավորներ` այլ խմբակցություններից։ Ըստ մամուլում տարածված լուրերի` դրանք են ՀՅԴ–ից Ռոմիկ Մանուկյանը, Արմենուհի Կյուրեղյանը, Ռուզան Առաքելյանը։
Մյուս երկու ստորագրողները «Ծառուկյան» խմբակցությունից են։ Ըստ մամուլի հրապարակումների՝ նրանցից մեկը Իշխան Զաքարյանն է։
.JPG){kind=link}