ԵՐԵՎԱՆ, 5 օգոստոսի –Sputnik. Ֆրանսիայի պաշարման ժամանակ նացիստների դեմ ընդհատակյա պայքարող Միսաք Մանուշյանի խմբի վերջին անդամ Արսեն Չաքարյանը կյանքից հեռացավ 101 տարեկանում, հայտնում է Le Monde–ը։
Նա մահացել է շաբաթ օրը Վիլժյուիֆ քաղաքում (Փարիզի հարավայիին արվարձան) գտնվող Փոլ Բրուսի հիվանդանոցում։
Արսեն Չաքարյանը դիմադրություն մարտիկների խմբի անդամ էր, որոնցից 22-ին գերմանացիները բռնել և մահապատժի էին ենթարկել 1944 թվականի փետրվարին Մոն Վալերիենում (Փարիզի արվարձան)։
Ինչպես նշում է պարբերականը, Չաքարյանը մինչև իր կյանքի վերջ հարյուրավոր հանդիպումներ է ունեցել դպրոցներում, զինվորականներին և քաղաքացիական ծառայողներին խորհրդատվություններ արել, ելույթներ ունեցել հեռուստատեսությամբ, ռադիոյով և իհարկե՝ տոնակատարությունների ժամանակ։
Ֆրանսիայի Nouvelles d'Armenie հայկական պարբերականն իր հերթին գրում է, որ պատմաբան լինելով, նա կարծում էր, որ պատմության մասին խոսելը` լավագույն միջոցն է նման հանցագործությունների կրկնությունը կանխելու համար։
Պարբերականը պատմում է, որ Թուրքիայում ծնված Արսեն Չաքարյանը ցեղասպանությունից փրկվել է՝ փախնելով Բուլղարիա, իսկ 1930 թվականին տեղափոխվել է Փարիզ, որտեղ դերձակությամբ է զբաղվել մինչ երկրորդ աշխարհամարտի սկսելը։
Ժողովրդական ճակատի ցույցերին մասնակցելիս նա հանդիպում է Միսաք Մանուշյանին։ 1937 թվականից ֆրանսիական բանակ անդամագրված լինելով, նա 1942 թվականին միանում է Դիմադրությանը։
Չաքարյանի մահվան կապակցությամբ Հայաստանում Ֆրանսիայի դեսպան Ջոնաթան Լաքոտը Twitter–ի իր էջում Լուի Արագոնի «Կարմիր պաստառ» բանաստեղծությունից (որը նվիրված է Մանուշյանի խմբին) մի հատված է հրապարակել։
"Vous aviez vos portraits sur les murs de nos villes
— Jonathan Lacôte (@JonathanLacote) August 5, 2018
Noirs de barbe et de nuit hirsutes menaçants
L’affiche qui semblait une tache de sang
Parce qu’à prononcer vos noms sont difficiles
Y cherchait un effet de peur sur les passants"
Strophes pour se souvenir, Louis Aragon https://t.co/r9ToYNtpum
