ԵՐԵՎԱՆ, 5 օգոստոսի –Sputnik. Երրորդ ռեյխի տրանսպորտային ինքնաթիռը վթարի է ենթարկվել Շվեյցարիայում։ Այս մասին հայտնում է Süddeutsche Zeitung պարբերականը։
Հրապարակման համաձայն` ինքնաթիռի կործանման հետևանքով 20 մարդ է մահացել։
Ինչ վերաբերում է ռարիտետային տրանսպորտային միջոցին՝ խոսքը Համաշխարհային երկրորդ պատերազմի ժամանակների JU52 HB-HOT մակնիշի ինքնաթիռի մասին է, այն արտադրվել է 1939 թվականին: Խորհրդային բանակում նրան անվանում էին «Тетушка Ю»։
Ոստիկանության տվյալներով՝ Junkers 52 ինքնաթիռը, որն ուղևորվում էր Լոկարնոյից դեպի Դյուբերդորֆ, կործանվել է Պից Զեգնանս լեռան լանջին՝ 2540 մետր բարձրության վրա: Ինքնաթիռի անձնակազմը աղետի ազդանշան չի տվել, ինքնաթիռը մեծ արագությանբ ուղղահայաց բախվել լեռան լանջին։
Ինքնաթիռում 17 ուղևոր և անձնակազմի 3 անդամ է եղել։ Ոստիկանությունն արդեն հաստատել է բոլոր 20–ի մահը` 11 տղամարդ և 9 կին։ Նրանց մեծ մասը Շվեյցարիայի գերմանախոս հատվածից են եղել, ինչպես նաև Վո գավառից և Ստորին Ավստրիայից։ Մահացածները 41-84 տարեկան էին։
