ԵՐԵՎԱՆ, 4 օգոստոսի — Sputnik. Թուրքիան կրկին հրաժարվել է «Եվրատեսիլին» մասնակցելուց, գրում է Hyurriet–ը։
«Բոյկոտի պատճառներից մեկը մրցույթի մասնակից ավստրիացի «շրջազգեստով տղամարդն է, ասել է Թուրքիայի TRT հեռուստառադիո ընկերության տնօրեն Իբրահամ Էրենը` ի նկատի ունենալով «Եվրատեսիլում 2014–ի» հաղթող Կոնչիտա Վուրստին։
«Մենք մրցույթից հրաժարվելու մի քանի պատճառ ունենք, դրանց թվում է նաև քվեարկության կերպը։ Նաև մենք չենք կարող երեկոյան ժամը 9–ին, երբ էկրանների առաջ երեխաներ կան, ուղիղ եթերում ցուցադրել «մորուքով աղջիկների»»,–ասել է Էրենը։
Հիշեցնենք, որ Թուրքիան «Եվրատեսիլին» չի մասնակցում 2013թ.–ից։
