ԵՐԵՎԱՆ, 4 օգոստոսի — Sputnik. Եվրոպայի երիտասարդական առաջնությունում ազատ ոճի ըմբշամարտի Հայաստանի թիմն արդեն մեկ ոսկե և 2 բրոնզե մեդալ ունի: Իտալիայի մայրաքաղաք Հռոմում անցկացվող ըմբշամարտի Բրոնզե մեդալի համար գոտեմարտերում հաղթանակներ տարան Գեղամ Գալստյանը (65 կգ) և Արման Անդրեասյանը (70 կգ), իսկ Արման Ավագյանը (79 կգ) պարտություն կրեց:
Արսեն Հարությունյանը 10:0 հաշվով վստահ հաղթանակ տարավ վրացի Գեորգի Էլբակիձեի նկատմամբ, Արման Անդրեասյանը 3:0 հաշվով հաղթեց բուլղարացի Վեսելին Պետրովին, իսկ Արման Ավագյանը ժամանակից շուտ 2:14 հաշվով պարտության կրեց ուկրաինացի Ալդլան Բատաիևից:
Եվրոպայի երիտասարդական չեմպիոնի տիտղոսն այսօր նվաճել էր 57 կգ քաշային Արսեն Հարությունյանը, որը եզրափակիչում 11:6 հաշվով հաղթել էր ուկրաինացի Անդրեյ Ջելեպին:
Հիշեցնենք` Հայաստանի թիմի եւս 4 ներկայացուցիչներից երկուսն այսօր նվաճեցին եզրափակիչի ուղեգիր: Վազգեն Թևանյանը (61 կգ) և Հովհաննես Մաղաքյանը (125 կգ) օգոստոսի 5-ին կգոտեմարտեն Եվրոպայի երիտասարդական չեմպիոնի կոչման համար, իսկ Հրայր Ալիխանյանը (74 կգ) եւ Մհեր Մարկոսյանը (86 կգ) հնարավորություն են ստացել պայքարել բրոնզե մեդալի համար: Նրանք պայքարը կսկսեն սփոփիչ գոտեմարտերից:
