ԵՐԵՎԱՆ, 3 օգոստոսի — Sputnik. ՀՀ նախկին նախագահ Ռոբերտ Քոչարյանը 2008 թվականին չէր կարող չիմանալ ՀՀ պաշտպանության նախարար Միքայել Հարությունյանի ստորագրած հրամանի մասին։
Նրա խոսքով` հրամանը հայտնվել է 2018 թվականի հուլիսին հարուցած քրեական գործում։ Հրամանի հիման վրա ներկա պահին ՀՀ երկրորդ նախագահ Ռոբերտ Քոչարյանին մեղադրանք է առաջադրվել, որն այս պահին կալանքի տակ է։ Հրամանն ապացուցում է, որ ԶՈՒ–ն ներգրավված է եղել ներքաղաքական իրադարձություններին։
Նրանում, մասնավորապես, ասվում է. «ՀՀ ԶՈՒ ուժերի կողմից սահմանադրական պարտականությունները կատարելու նպատակով, հրամայում եմ` ՀՀ ԶՈՒ ողջ անձնակազմին սույն թվականի փետրվարի 23-ին, 18։00-ից սկսած զորանոցային վիճակի բերել մինչև հատուկ կարգադրություն ստանալը։ ՀՀ ՊՆ կենտրոնական ապարատի վարչություններում, առանձին բաժիններում ստեղծել տաբելային զենքով զինված սպայական խմբեր…»
Բացի այդ խոսվում է մոբիլ կոլեկտիվ ստորաբաժանումներ ստեղծելու անհրաժեշտության մասին, որոնք կկարողանան գործել բարդ պայմաններում։
Եվս մեկ կետում նշվում է, որ պետք է այդ ստորաբաժանումները համալրել հոգեբանորեն կայուն մարդկանցով, ենթասպաներով և պայմանագրային զինծառայողներով։
Բախումների վայրերում մոտ 1700 պարկուճ էր հայտնաբերվել, որոնցից 1400 նույնականացվել են։
ՀՔԾ ղեկավարը չբացառեց, որ զինծառայողներին «մաքուր զենք» է տրվել, որը նրանցից հետագայում հետ է վերցվել՝ հետքերը կոծկելու նպատակով։
Երևանի ընդհանուր իրավասության դատարանի հուլիսի 28-ի որոշմամբ՝ ՀՀ երկրորդ նախագահ Ռոբերտ Քոչարյանը 2 ամիս ժամկետով կալանավորվել է։ Նրան` Հայաստանում սահմանադրական կարգը տապալելու մեղադրանք է առաջադրվել։
