Միջադեպը տեղի է ունեցել Թաիլանդի Չիանգրայ քաղաքում նախորդ կիրակի։ Տղամարդը հանդիսատեսին հնարք էր ցուցադրում, որի ընթացքում նա ձեռքը կոկորդիլոսի երախն է մտցնում։ Ինչ–որ պահի դժգոհ կենդանին կտրականապես փակում է բերանը։ Այս մասին հայտնում է ՌԻԱ Նովոստին։
Մի քանի վայրկյան անց զոհին հաջողվում է ազատել ձեռքը։ Տղամարդը կարողանում է ոտքի կանգնել ու հեռանալ։
Կոկորդիլոսների ֆերմայի սեփականատիրոջ խոսքով` տուժածին բուժօգնություն են ցուցաբերել ու երկու շաբաթվա ընթացքում նա կկարողանա աշխատանքի վերադառնալ։ Հաստատության տերը վստահեցրել է, որ նման միջադեպեր «շատ հազվադեպ» են պատահում։
