Չինացի գործարար Չժու Ցունժուն, ով 100 միլիոն դոլար կարողություն ունի, արդեն 3 տարի է ամեն առավոտ հավաքում է հայրենի քաղաքի աղբը։
Գործարարը խոստովանում է, որ ոմանք իրեն խելագար են կարծում, ոմանք` հիանում են նրանով։
51–ամյա գործարարին այս քայլին դրդել է մի ծեր կին։
«Նա ամեն առավոտ հավաքում էր աղբը։ Դա իմ վրա ազդեց, մտածեցի, որ ես էլ կարող եմ օգնել նրան»,–պատմում է Չժու Ցունժուն։
Միլիոնատերը ոչ միայն աղբն է հավաքում, այլ մարդկանց խաղաղություն է քարոզում։ Նա վստահ է` նման գործողություններով ամեն մեկը կարող է փոխել իրեն շրջապատող աշխարհը։