ԵՐԵՎԱՆ, 28 հուլիսի — Sputnik. Ռազմական ոստիկանությունը բացահայտել է ինքնաձիգի հափշտակության դեպք:
Կառույցի աշխատակիցների ձեռնարկած օպերատիվ հետախուզական միջոցառումները հերթական արդյունքն են տվել:
Գործողությունն իրականացվել է հուլիսի 28-ին, ժամը 00.30-ի սահմաններում՝ Արմավիրի Նորապատ գյուղի սկզբնամասում:
«Ֆոլկսվագեն Գոլֆ» մակնիշի մեքենայի բեռնախցիկում, որում եղել են N զորամասի երկու նախկին ժամկետային զինծառայողներ, հայտնաբերվել է հափշտակված ինքնաձիգը։ Հարուցվել է քրեական գործ, զինծառայող Հ.Բ.-ն ձերբակալվել է։ Կատարվում է քննություն։
«Զինյալները» բերման են ենթարկվել ռազմական ոստիկանություն։
