ԵՐԵՎԱՆ, 28 հուլիսի — Sputnik. ՀՀ քննչական կոմիտեն 2 մլն դրամը գերազանցող չարաշահումներ է բացահայտել Արարատի մարզի Այնթապ գյուղի միջնակարգ դպրոցում։ Հայտնում է Քննչական կոմիտեն։
Քննիչների հայտնաբերած չարաշահումները տեղի են ունեցել 2014-2017 թթ.–ին։ Դպրոցի տնօրինությունը կեղծ փաստաթղթերի, պաշտոնեական դիրքը չարաշահելու միջոցով պետությանը պատճառել է 2 355 768 դրամի վնաս։
Մեղադրանք է առաջադրվել դպրոցի տնօրենին, տնտեսվարին և Նոր Խարբերդի մի բնակչի։
Հաղորդագրության համաձայն, նրանք ընդունել են առաջադրված մեղադրանքները և ցուցմունք տվել դեպքի վերաբերյալ։
Նախաքննության ընթացքում դպրոցի տնօրենն ամբողջությամբ վերականգնել է պետությանը պատճառված վնասը. 2.3 մլն դրամը։
