Ճաղարյան. «Մասամբ փլուզվել են պատերը, առաստաղը կանգուն է, վնասվել են ապակիները»
Երևանի Արտաշիսյան փողոցում գտնվող ապակիների արտադրամասում տեղի ունեցած պայթյունի ստույգ պատճառը հայտնի կլինի մի շարք փորձաքննություններից հետ։ Այս մասին Sputnik Արմենիային ասաց Հայաստանի ԱԻՆ ճգնաժամային կառավարման կենտրոնի հերթափոխի պետ Հրանտ Ճաղարյանը։
«Վստահաբար կարող եմ ասել, որ օդի բարձր ջերմաստիճանը չի հանգեցնում նման երևույթների», — ասաց Ճաղարյանը։
Նա նաև նշեց, որ պայթյունի հետևանքով մասամբ փլուզվել են արտադրամասի պատերը, առաստաղը կանգուն է, վնասվել են ապակիները
Նրա խոսքով` տուժած 3 քաղաքացիներից մեկի վիճակը ծայրահեղ ծանր է, երկրորդը` ծանր, երրորդը`միջին ծանրության։
Նախնական տեղեկություններով` միջադեպի հետևանքով վնասվածքներ ստացած երկու անձինք արտադրամասի աշխատողներ են։ Երրորդն աշխատողներից մեկի ընկերն է կամ ազգականը։
