Ամերիկահայ գործարար Ալեքսիս Օհանյանի հիմնած Reddit սոցիալական ցանցի օգտատերերը ապշել էին, երբ տեսել էին ալավերդցի պողպատագործին։
Մեկ օրվա ընթացքում ամերիկացու հրապարկումն ավելի քան 50 հազար «հավանություն» է ստացել, սակայն հեղինակը սխալվել է հերոսի ազգության հարցում։
Sputnik Արմենիային անդրադարձել էր այս տեսանյութին։
Հաջողվել էր պարզել, որ տեսանյութը դեռ 2016 թվականի սկզբին նկարահանվել է Հայաստանում` Ալավերդի քաղաքի պղնձաձուլական գործարանում։
Տեսանյութի հերոսի անունը Արկադի Մգդսյան է, ծնվել է Ալավերդիում։ Արկադին տեսանյութի տակ գրել է. «Վառարանից խարամ է թափվում։ 1250 աստիճան ըստ Ցելսուսի»։
Օգտատերերից շատերն իսկույն հասկացել են, որ այստեղ գործում է Լեյդենֆրոստի էֆեկտը։
Լեյդենֆրոստի էֆեկտը մի երևույթ է, որի ժամանակ հեղուկը, դիպչելով այդ հեղուկի եռման կետից շատ ավելի տաք մարմնի, մեկուսացնող շերտ է ստեղծում։
Տեսանյութը ուշադիր նայելիս կարելի է նկատել, որ այն երկու մասից է բաղկացած, ու երբ Մգդսյանը երկրորդ անգամ հանում է ձեռնոցը, ձեռքից ջուր է կաթում։
