ԵՐԵՎԱՆ, 25 հուլիսի — Sputnik. Արարատի մարզի քաղաքացներից մեկում 33 տարեկան տղամարդը դեռ ապրիլին բռնաբարել է մորը։ Այս մասին հայտնում է shamshyan.com-ը։
Ըստ կայքի` երեկ` հուլիսի 24-ին, 51 տարեկան Մ․Վ․-ն իր բնակության վայրի Ոստիկանության բաժնի աշխատակիցներին հայտնել է, որ այս տարվա ապրիլին տանը, ննջասենյակում իր որդին՝ 33-ամյա Ա․ Խ․-ն, ալկոհոլի ազդեցության տակ բռնի կերպով սեռական հարաբերություններ է ունեցել իր հետ։
Մ․ Վ․-ն իրավապահներին ասել է, որ կատարվածի մասին նախկինում Ոստիկանություն չի դիմել, քանի որ ամաչել է որդու արարքի համար։
Երեկ գիշերը, ժամը 01։30-ի սահմանում տղան նորից փորձել է սեռական հարաբերություններ ունենալ մոր հետ։ Մայրն ասել է, որ երբ ինքը ննջասենյակում քնած է եղել, տղան մտել է ներս, փորձել է բարձրացնել վերմակը և նորից տիրանալ իրեն։
Կայքի տեղեկություններով` Ա․ Խ․-ն տեղափոխվել է տարածքի ոստիկանություն և ենթարկվել բժշկական փորձաքննության։ Պարզվել է, որ նա դարձյալ գտնվում է ոչ սթափ (խմած) վիճակում։
Փաստի առթիվ տարածքի Ոստիկանության հետաքննչական բաժանմունքում նյութեր են նախապատրաստվում։
Մ․ Վ․-ին տրվել է դատաբժշկի ուղեգիր։
