ԵՐԵՎԱՆ, 20 հուլիսի — Sputnik. Հայաստանի արտաքին քաղաքականության մեջ շրջադարձեր չեն լինելու, ես որևէ ֆորմատի հանդիպում չեմ ունեցել, որը հակառակ լինի մեր արտաքին ուղղվածությանը։ Այս մասին այսօր լրագրողների հետ հանդիպմանը հայտարարեց վարչապետ Նիկոլ Փաշինյանը` պատասխանելով Հայաստանի արտաքին քաղաքական վեկտորի մասին հարցին։
Նա հիշեցրեց, որ Սերժ Սարգսյանը ևս երկու անգամ մասնակցել է ՆԱՏՕ–ի գագաթաժողովին։
«Հայաստանը Աֆղանստանում խաղաղապահ գործունեություն է իրականացրել ՆԱՏՕ–ի շրջանակներում և պատրաստակամություն է հայտնել շարունակելու այդ խաղաղապահ գործունեությունը։ Գուցե հիմա արտաքին աշխարհի կողմից մեր այցերն ավելի մեծ ուշադրության են արժանանում, քան մինչ հեղափոխությունը»,–հարցին հարցով է պատասխանեց ՀՀ վարչապետը։
Նիկոլ Փաշինյանը նշեց, որ Հայաստանը ԵՄ–ի հետ համագործակցության պայմանագիր ունեցել է մինչև թավշյա հեղափոխությունը և վավերացվել է այն մինչև հեղափոխությունը։
