ԵՐԵՎԱՆ, 20 հուլիսի — Sputnik. Իրականում Հայաստանում ոչինչ չի փոխվել, միայն «իշխանիկների» տեղերն է փոխվել: ԳԱԼԱ-ին տված հարցազրույցում ասել է Արարատ Խանդոյանը:
Նրա դիտարկմամբ՝ այսօրվա իշխանությունները, որ նախկինում բարձրաձայնում էին Հայաստանում քաղբանտարկյալների առկայության մասին, այսօր շարունակում են անազատության մեջ պահել նախկին իշխանության օրոք ազատազրկված քաղբանտարկյալներին:
Արարատ Խանդոյանը հայտնել է նաև, որ իրենք առաջիկայում անպայման մասնակցելու են ընտրություններին, սակայն դեռևս քննարկման փուլում է, թե ինչ ձևաչափով են գնալու ընտրությունների:
Նա բերման էր ենթարկվել 2016 թվականի հուլիսի 20-ին ՊՊԾ գնդի գրավման դեպքերից հետո: Նրան մեղադրանք էր առաջադրվել ՀՀ քրեական օրենսգրքի 225-րդ հոդվածով՝ զանգվածային անկարգություններին մասնակցելը, որում եւ մեղավոր էր ճանաչվել, դատապարտվել երեքուկես տարվա ազատազրկման:
Արարատ Խանդոյանը պատիժը կրում էր Արթիկ քրեակատարողական հիմնարկում: Ինչպես դատական նիստի մեկնարկին, այնպես էլ դատավորի՝ որոշումն ընթերցելուց հետո Արարատ Խանդոյանին հարազատներն ու համակիրները դիմավորեցին ծափերով:
