Միացյալ Թագավորության Լորդերի պալատը հավանության արժանացրեց Հայաստան-Եվրամիություն համապարփակ և ընդլայնված գործընկերության համաձայնագրին:
Այս մասին հաղորդագրություն է տարածել Մեծ Բրիտանիայում ՀՀ դեսպանությանը: Համայնքների պալատը հուլիսի 11-ին հավանություն էր տվել համաձայնագրին և փոխանցելով այն Լորդերի պալատ՝ վերջնական վավերացման:
ՄԹ Լորդերի պալատը հավանություն տվեց #Հայաստան — #Եվրամիություն Համապարփակ և ընդլայնված գործընկերության համաձայնագրին #CEPA https://t.co/HXasfikwpI
— Tigran Balayan (@tbalayan) July 18, 2018
«Համապարփակ և ընդլայնված գործընկերության մասին» համաձայնագիրը Հայաստանի և ԵՄ-ի միջև ստորագրվել է 2017թ. նոյեմբերի 24-ին Բրյուսելում: Համաձայնագիրը վավերացվել է Լատվիայի, Լիտվայի, Էստոնիայի, Բուլղարիայի, Լեհաստանի կողմից: Հունիսի 27-ին համաձայնագիրը վավերացրել էր նաև Ռումինիայի խորհրդարանի ստորին պալատը: Ապրիլի 11-ին այն միաձայն վավերացրել է նաև ՀՀ Ազգային ժողովը:
