ԵՐԵՎԱՆ, 18 հուլիսի — Sputnik. Պաշտպանության նախարար Դավիթ Տոնոյանն այսօր ընդունել է ՀՀ-ում Լեհաստանի գործերի ժամանակավոր հավատարմատար Մարեկ Ռեշուտային և ռազմական կցորդ, փոխգնդապետ Քշիշտոֆ Միկոլայեկին:
Ինչպես Sputnik Արմենիային տեղեկացնում են ՀՀ պաշտպանության նախարարության տեղեկատվության և հասարակայնության հետ կապերի վարչությունից՝ հանդիպման առիթը ռազմական կցորդի հավատարմագրումն էր Հայաստանում:
Պաշտպանության նախարարը շնորհավորել է Քշիշտոֆ Միկոլայեկին նշանակման կապակցությամբ և հաջողություններ մաղթել Հայաստանում առաքելության ընթացքում:
Հանդիպման ընթացքում քննարկվել են պաշտպանության բնագավառում հայ-լեհական համագործակցության հեռանկարները: Հատկապես կարևորվել է ռազմատեխնիկական բնագավառում համագործակցությունը:
