ԵՐԵՎԱՆ, 17 հուլիսի — Sputnik. Facebook–ի հայտնի բլոգերներից մեկը` Nas Daily–ն, տեսահոլովակ է նկարել Հայաստանի ցայտաղբյուրների մասին։
«Սա անվճար ջրի երկիր է», – տեսահոլովակի տակ գրել է ինտերնետային աստղը։
Մի օր առաջ իսրայելցի արաբ բլոգեր Nas Daily–ին (իսկական անունը` Նուսեյր Յասին), խնդրել է բոլոր ցանկացողներին երեկոյան այցելել թանգարան բաց երկնքի տակ` Կասկադ։ Ինտերնետային աստղի երկրպագուները հավաքվել են նշված ժամին։ Դատելով տեսանյութից` մարդիկ մի քանի հարյուր հոգի են եղել։
Nas Daily–ն իր ավանդական, մեկրոպեանոց հոլովակը նվիրել է Հայաստանի ցայտաղբյուրներին։ Բլոգերը նշել է, որ այդ կերպ կարելի է ոչ միայն գումար տնտեսել, այլ նաև չօգտագործել շշալցված ջուր։ Իսկ դա իր հերթին կնպաստի բնապահպանությանը։
Դրա նախորդ օրը հրապարակված մեկ այլ հոլովակ, որը նույնպես նկարվել էր Հայաստանում, ծխելու թեմայով էր։ Տեսանյութի հիմնական մեխը տնտեսելն և առողջ ապրելն է։
Նա հաշվել է, որ եթե ամեն օր մի տուփ ծխի, ապա մեկ տարում կծախսի 144 հազար դոլար։ Facebook–ի աստղը գերադասել է ապրել մինչև խոր ծերություն և խնայած գումարներով գնել սպորտային Ferrari։
