ԵՐԵՎԱՆ, 17 հուլիսի — Sputnik. Նախկին դայակ Փեմ Բեհանը պատմել է, որ հայտնի ընտանիքի մայր Քրիս Ջեների հետ աշխատելը հեշտ չի եղել։ Այս մասին գրում է Nzherald.co.nz-ը։
Կայքի համաձայն` կինը եղել է Քրիսի անձնական օգնականը, ինչպես նաև ուտելիք է պատրաստել և հոգ տարել երեխաների` Քորթնիի, Քիմի, Քլոեի և Ռոբերտի մասին 1991թ-ին Բրյուսի հետ (արդեն Քեյթլին) նրա ամուսնությունից հետո։
«Ինձ դուր էր գալիս Քրիսը, ես հարգում էի նրան մի շարք պատճառներով։ Բայց նրա հետ աշխատելը հեշտ չէր։ Նա պերֆեկցիոնիստ էր և կատարելություն էր պահանջում», — մեջբերում է պարբերականը Բեհանի խոսքերը։
Կնոջ խոսքով` ամեն օր Քրիսն ունեցել է գործերի երկար ցուցակ, որոնք պետք էր հասցնել անել` չնայած Լոս Անջելեսի ծանրաբեռնված երթևեկությանը։
«Եվ եթե ցուցակից ինչ-որ բան չէր կատարվում, ապա նա խիստ հանդիմանում էր։ Սկզբից ես սարսափում էի, երբ Քրիսն այդպես էր խոսում ինձ հետ։ Բայց նա այդպես հոգին էր թեթևացնում։ Նրա հետ բավական բարդ էր, բայց ինձ դուր էր գալիս իմ աշխատանքը», — խոստովանել է Բեհանը։
2013թ-ին Փեմը բացահայտել է իր հնգամյա աշխատանքի սենսացիոն մանրամասները «Դայակը Մալիբուից. Քարդաշյան ընտանիքի նախկին դայակի իսկական արկածները» 236-էջանոց գրքում։
