ԵՐԵՎԱՆ, 17 հուլիսի — Sputnik. Ընդհանուր պատմության որոշ իրադարձությունների մեկնաբանության խնդիրը կքննարկվի Հայաստանի ու Վրաստանի կրթության նախարարների` Արայիկ Հարությունյանի ու Միխայիլ Բաթիաշվիլիի հանդիպմանը։ Այս մասին Հարությունյանն ասել է «Պիրվելի արխի» (Առաջն ալիք) վրացական հեռուստաընկերությանը։
Նա հայտնել է, որ առաջիկայում հանդիպում կլինի։
«Հանդիպմանը կքննարկվի Վրաստանում գործող հայկական դպրոցներում հայոց լեզվի ու պատմության ուսումնասիրության հարցը։ Մենք նաև առանձին իրադարձությունների մեկնաբանության խնդիր ունենք։ Մենք աշխատում ենք այդ ուղղությամբ։ Շատ դժվար է հայկական դասագրքեր մատակարարելը, Վրաստանի կրթության նախարարությունը մանրամասն հսկում է դա», – ասել է Հարությունյանը։
Նա ընդգծել է, որ նա նախկին նախարարի հետ որոշ պայմանավորվածություններ է եղել։ Հնարավոր է, նոր նախարարի հետ կրկին վերանայեն դրանք։
Հարությունյանը մտադիր է վաղը` հուլիսի 18–ին ընդունել Հայաստանում Վրաստանի դեսպան Գեորգի Սագանելիձեն` հանդիպման մանրամասները քննարկելու համար։
ՀՀ կրթության նախարարի խոսքով` նրան հետաքրքրում են Վրաստանի կրթական բարեփոխումների առանձին տարրեր, որոքն նա ավելի վաղ քննարկել էր կրթության նախկին նախարար Միխայիլ Չխենկելիի ու նրա տեղակալ Լիա Գագուրիի հետ։
Հիշեցնենք, որ Հարությունյանը, վարչապետ Նիկոլ Փաշինյանի գլխավորությամբ, հայկական պատվիրակության կազմում մայիսի 30–31–ին Վրաստան էր այցելել։
Նա Վրաստանի կրթության և գիտության փոխնախարար Լիա Գիգաուրիի հետ մայիսի 31–ին այցելել էր Թբիլիսիի №103 հայկական դպրոց և ծանոթացել ուսումնական գործընթացին։ Նա հայտնել է, որ Վրաստանն ու Հայաստանը աշխատելու են հայկական դպրոցներում մայրենի լեզվի ուսումնասիրության ուղղությամբ։ Պայմանավորվածությունը ձեռք էր բերվել նախկին նախարար Միխայիլ Չխենկելիի հետ։
Վրաստանի կրթության նախարարության տվյալներով` Վրաստանում 130 հայալեզու դպրոց (հայկական դասարաններ ունեցող դպորցներ) կա։ Դրանցից միայն 55 Ախալքալաքում են, մեկ հայկական դպրոց ու մեկ հայկական բաժնով դպրոց էլ կա Թբիլիսիում։
