ԵՐԵՎԱՆ, 15 հուլիսի — Sputnik. Ադրբեջանի Գանձակ քաղաքում անկարգությունների պատճառով ձերբակալվել է 20 մարդ։ Այդ մասին հաղորդում է ՌԻԱ Նովոստին՝ հղում անելով Ադրբեջանի իրավապահ մարմիններին։
«2017թ-ի հուլիսի 10-ին Գանձակ ում հանցագործություններ կատարելու համար ձերբակալվել է ավելի քան 7 մարդ, այդ թվում՝ Իբրահիմով Սամիր Ռամիզ օղլուն, որը հետախուզության մեջ է։ Հուլիսի 10-ի դեպքերի համար արդեն ձերբակալվել է 22 մարդ», — ասել է ՌԻԱ Նովոստիի աղբյուրը։
Հաղորդվում է նաև, որ մի հոգի է ձերբակալվել Ղազախի շրջանում ադրբեջանա-վրացական սահմանը հատելու փորձի ժամանակ։ Հուլիսի 3-ին ձերբակալվել է 13 մարդ, իսկ ութի նկատմամբ հետախուզում են հայտարարել՝ կապված Գանձակ քաղաքի գործադիր իշխանության ղեկավար Էլմար Վելիևի դեմ մահափորձի հետ։
Վելիևի և նրա թիկնապահի դեմ զինված հարձակում են գործել հուլիսի 3-ին։ Նրա վրա կրակած Յունիս Սաֆարովը ձերբակալվել է հենց հանցագործության վայրում։ Գանձակի գործադիր իշխանության ղեկավարը վնասվածքներ էր ստացել։
Հուլիսի 10-ին Գանձակում տեղի ունեցած անկարգությունների ընթացքում, որոնք, ինչպես ենթադրում են ադրբեջանական իրավապահները, կազմակերպել է 150-200 հոգուց բաղկացած կրոնական ծայրահեղականների խումբը, խռովարարները սպանել էին ոստիկանության երկու սպայի։
