Քաղաքագետն, ընդհանուր առմամբ այցը դրական է գնահատում, սա տրամաբանական այց էր, որովհետև վերջին 2 ամսում վարչապետը 2 անգամ այցելել էր Մոսկվա, և եթե մեր կառավարությունը վերահաստատում է, որ Հայաստանի արտաքին քաղաքականությունը դիվերսիֆիկացված է, ապա իհարկե, պետք է այց լիներ նաև ԵՄ մայրաքաղաք, ՆԱՏՕ-ի մայրաքաղաք` Բրյուսել։
«Սա Զոհրաբ Մնացականյանի և Էլմար Մամեդյարովի 1–ին հանդիպումն էր։ Չեմ կարծում, որ այն լուրջ առաջընթաց է բերելու, բայց այն հանգամանքը, որ կա բանակցություն, կա հանդիպում, կա քննարկում` կարևոր է։ Չեմ բացառում, որ անդրադարձ է կատարվել Արցախի` որպես բանակցային կողմ վերադառնալու խնդրին, բայց այս պահի դրությամբ մենք դրա վերաբերյալ որևէ մեսիջ չունենք»,–ասաց Սարգսյանը։
Նա հիշեցրեց, որ մամուլի հաղորդագրության մեջ նշվում էր, որ հաջորդ հանդիպումների համար քայլեր կձեռնարկվեն, հնարավոր է նաև` շուտով նախապատրաստվի Փաշինյան–Ալիև հանդիպումը։
