ԵՐԵՎԱՆ, 12 հուլիսի — Sputnik. Համայնքային բյուջեի շռայլությունների մասին ինֆորմացիա է ֆեյսբուքյան իր էջում հրապարակել Էջմիածնի քաղաքապետի պաշտոնակատար Դիանա Գասպարյանը։
Նրա գրառման համաձայն` գնումների գործընթացների ուսումնասիրությունները պարզել են, որ Էջմիածնի քաղաքապետարանը վերջին տարիներիներին տարեկան 7,200,000 ՀՀ դրամի ծաղիկ կամ ծաղկեպսակ է ձեռք բերել մի Ա/Ձ-ից:
«Մաթեմատիկական պարզ հաշվարկները ցույց են տալիս, որ տարիներ շարունակ Էջմիածնի քաղաքապետարանը ամսական 600,000 ՀՀ դրամի կամ օրական 20,000 ՀՀ դրամի ծաղիկ կամ ծաղկեպսակ է ձեռք բերել: Թե ինչ նպատակով է դա արվել, անհայտ է, սակայն, կարծում եմ, բոլորիս համար ակնհայտ է, որ համայնքային համեստ բյուջեի համար սա անթույլատրելի շռայլություն է և միջոցների անհարկի վատնում»,–գրել է Դիանա Գասպարյանը:
