ԵՐԵՎԱՆ, 8 հուլիսի– Sputnik. Մի քանի ֆրանսիական haute couture ապրանքանիշ հետաքրքրված են «իրերի համացանց» հայկական տեխնոլոգիայով։
Sputnik Արմենիայի թղթակցի հետ զրույցում Volterman հայկական ընկերության տնօրեն Ազատ Թովմասյանը հայտնեց, որ հիմա բանակցություններ են ընթանում երեք խոշոր համաշխարհային ապրանքանիշերի հետ։ «Ոմանց հետ արդեն սկսում ենք աշխատել, ոմանց հետ էլ շուտով համագործակցության մասին պայմանավորվածություն ձեռք կբերենք», — ասաց նա։
Ընկերությունը wi-fi կապով «խելացի» դրամապանակներ է թողարկում։ Կապի միջոցով տերը դրամապանակի գտնվելու մասին gps-տվյալներ է ստանում, ու եթե օբյեկտիվում կասկածելի անծանոթ մարդիկ են հայտնվում, տեսախցիկից տվյալներ են գալիս։
Դրամապանակի պատրաստման մեջ օգտագործվող էլեկտրոնիկան ներմուծվում է հիմնականում Չինաստանից։ Սակայն աշխատանքի ալգորիթմն ու հորինվածքը զուտ հայկական են։
«Հայկական խելքով» դրամապանակներն արդեն տարածում ունեն ավելի քան 130 երկրներում, հիմնականում՝ ԱՄՆ-ում ու Արևմտյան Եվրոպայում։
«Շուտով ուզում ենք հետադարձ կապ հաստատել հաճախորդների հետ։ Օրինակ` երբ ու ինչպես է գտնվել դրամապանակը gps-ով կամ ինչպես է ճանաչել գողերին», — հավելեց Թովմասյանը։
Գնալով Հայաստանում «համացանցի իրերի » ավելի շատ մշակողներ են հայտնվում։ IoT-ի համաշխարհային շուկան 2016 թվականին արդեն մոտ 160 միլիոն դոլար էր կազմում, իսկ 2020 թվականին, վերլուծաբանների կանխատեսումների համաձայն, ևս մի քանի անգամ կաճի։ Դրանց շարքում, Volterman-ից բացի այլ հայկական այլ ընկերություններ ևս։
«Եթե պետք լինի, կարող ենք նաև նոր գործառույթների մասին մտածել։ Օրինակ` դրամապանակը կարող է հաշվել՝ ինչքան գումար է մեջը մնացել», — հավելեց Թովմասյանը։
Հայ ինժեներների առաջարկն արդեն հետաքրքրել է պահանջկոտ ֆրանսիացի դիզայներներին (թե հենց որին, դեռ ընկերության կոմերցիոն գաղտնիքն է)։ Աշնանը հայ մասնագետները պատրաստվում են Ֆրանսիա մեկնել ու «խելք սովորեցնել» ոչ միայն դրամապանակներին, այլև կանացի պայուսակներին, տղամարդկանց պորտֆելներին և այլն։
